Inspirada parcialmente na vida do músico estadounidense Billy Tipton, esta novela de exuberante prosa acadou o prestixioso Premio de Narrativa auspiciado por The Guardian a finais da década de 1990.

Emotivo e conmovedor relato ao redor da vellez, a dependencia ou a empatía, no que a palabra se erixe como un elemento crucial. De Vigan conta a historia dunha anciá, Michka, que sofre a paulatina perda da facultade de se comunicar.

Enxeñoso relato paródico das novelas construídas ao redor dun crime que, amais de ofrecer un crecente suspense, recrea a atmosfera da capital grega a comezos do século XX, dando conta dos diferentes estratos sociais.

Novela que, partindo do máis de medio século de amizade entre os protagonistas, Hartmann e Fibich, fala das complicacións da idade adulta, decote indisociables da nenez.

Clásico de inmensa influencia, tanto polas súas escenas memorables coma polas innovacións. O fío condutor é un mozo de provincias que se traslada a París e verá fracasadas todas as súas expectativas e ilusións. A súa historia de amor cunha muller casada bastantes anos maior ca el, inspirada en feitos autobiográficos, é o motor da trama.

Rompe sen contemplacións cos postulados románticos e propón como alternativa unha relación sentimental, talvez utópica, marcada pola autonomía de cada membro da parella. Propiciou unha fonda e acalorada discusión política e literaria ao redor do xénero na Escandinavia do século XIX.

A obra de Kobayashi, referente da literatura proletaria marxista en xaponés, é trasladable a case calquera contexto de abuso e precariedade laboral, de aí o interese para lectores e lectoras de todo o mundo e a súa tradución a decenas de linguas.