Retrato pioneiro da británica Amy Levy dos anhelos e limitacións das mulleres na sociedade tardovitoriana, consonte o modelo feminista da «Nova Muller», en tensión cos roles máis tradicionais.

Lúcida reflexión sobre a dificultade de permanecer fiel a un mesmo nunha sociedade gobernada polo conformismo, un mal enraizado que o premio Nobel dinamarqués Henrik Pontoppidan atacou sen reservas.

Atinado retrato do desexo reprimido e a descuberta da sexualidade por parte da protagonista, Teresa, quen ve a súa existencia frustrada polas convencións e o poder patriarcal.

Un cirurxián especializado en técnicas de rexuvenecemento decide implantar as gónadas e o cerebro dun delincuente no corpo dun can sen dono. Contra todo prognóstico, o animal sobrevive. Da pluma de Bulgákov, velaquí unha das grandes novelas satíricas do século XX.

Tanto pola súa calidade coma pola sutil diagnose dunha sociedade en crise (velaí o choque cultural e político entre a Rusia tradicional e as influencias provenientes de Europa), esta novela, a penúltima de Turguénev, segue a considerarse un fito da literatura universal.

Esta novela, a máis lograda de Gaetano Carlo Chelli, percorre as vidas dos Ferramonti e as artimañas dos membros máis novos para conseguir a herdanza do patriarca. De estética verista, retrata os esforzos de pequenos empresarios e burócratas por se enriquecer e lograr o ascenso social.

Inspirada parcialmente na vida do músico estadounidense Billy Tipton, esta novela de exuberante prosa reportoulle á escocesa Jackie Kay o prestixioso Premio de Narrativa auspiciado por The Guardian a finais da década de 1990.

Conmovedora novela curta de Thomas Wolfe que, cun uso maxistral do punto de vista e un requintado alento lírico, busca recompoñer a personalidade de Grover Wolfe, o neno perdido.