• A miña conta
  • 0Carrito de Compra
Editorial Hugin e Munin
  • Inicio
  • Catálogo
  • A editorial
  • Subscrición
  • Blog
  • Novas
  • Contacto
  • Menú Menú

5 novidades: Mauriac, Viziinos, Beyer, Ames Mitchell e Dulaure

29 Decembro, 2021/en Blog

Van camiño dos domicilios das persoas subscritoras as últimas publicacións deste ano, que pronto estarán tamén á venda nas librarías. Pasan pois a formar parte da colección principal as novelas Thérèse Desqueyroux, de François Mauriac, traducida por Xavier Senín, unha das grandes apostas da tempada, e As consecuencias da vella historia, de Georgios Viziinos, obra traducida por Alfonso Blanco e distinguida co último premio Realia de Tradución.

Por outra banda, van para a colección Vólvense os paxaros contra as escopetas unha novela da autora bretoa Mich Beyer,  Unha volta polo inferno, traducida por Robert Neal Baxter (a primeira tradución directa bretón-galego que se publica dunha obra de ficción contemporánea); tamén o curioso divertimento intitulado O regreso do meu pobre tío, de Jacques-Antoine Dulaure, traducido por Isabel Soto; e mais un singular opúsculo de corte distópico, O derradeiro americano, ideado por John Ames Mitchell e traducido por Iago Nicolás Ballesteros; esta última peza inclúe ademais as ilustracións orixinais en páxinas interiores.

 

Thérèse Desqueyroux

«Thérèse Desqueyroux son eu, desesperado», afirmou François Mauriac a imitación do dito por Flaubert sobre Madame Bovary. Obra ambigua, complexa e dunha gran riqueza literaria que un xurado especializado recoñeceu como unha das doce mellores novelas en lingua francesa da primeira metade do século XX.

 

As consecuencias da vella historia

Novela breve que aborda os desequilibrios que unha paixón amorosa insatisfeita pode provocar no espírito. Así mesmo, pon de relevo o destacado papel da cultura alemá na formación da intelectualidade do Estado grego independizado do Imperio Otomán en 1830.

 

Unha volta polo inferno

Primeira obra narrativa contemporánea que se traduce directamente do bretón ao galego. Presenta unha serie de elementos habituais nas obras da bretoa Mich Beyer: a inserción de misivas e entradas de diario, o papel protagonista de mulleres lesbianas na mediana idade, a utilización de varias voces narrativas ou a revelación gradual de segredos como fórmula para acentuar o suspense.

 

O derradeiro americano

Novela de corte satírico ambientada nun futuro afastado, decadente e, até certo punto, postapocalíptico. O almirante persa Khan-li narra as aventuras á fronte dunha expedición que suca as augas do Atlántico rumbo ao descoñecido.

 

O regreso do meu pobre tío

Inspirada nas primeiras experiencias de voo aerostático, trátase dunha humorística recreación na que non custa recoñecer a sempre actual reflexión sobre as relacións humanas nas institucións, os costumes mundanos e o seu absurdo.

 

Boas lecturase e próspero 2022.

Compartir esta entrada
  • Compartir en Facebook
  • Compartir en Twitter
  • Share on WhatsApp
  • Compartir en LinkedIn
  • Compartir por correo
https://huginemunin.gal/wp-content/uploads/2021/12/list-novdec2021.png 420 1348 Editorial Hugin e Munin https://huginemunin.gal/wp-content/uploads/2020/03/23logo-hem2-1.png Editorial Hugin e Munin2021-12-29 23:01:112021-12-30 11:26:255 novidades: Mauriac, Viziinos, Beyer, Ames Mitchell e Dulaure
Tamén che pode interesar
Gaskell e Stifter, grandes plumas do século XIX
Collins, Genlis, Rebecca e Richard Harding Davis e un tal Renaud
Balance do ano editorial 2020
Novelas de Jackie Kay e Ada Negri, novidades de outono
Décimo aniversario
Recordatorio da convocatoria en curso do Realia
Resolto o III Premio Realia de Tradución
Novidades: obras de Victoria Benedictsson e Pavlos Nirvanas

Últimas entradas

  • Novelas de Jackie Kay e Ada Negri, novidades de outono3 Outubro, 2023 - 11:53 a.m.
  • A cuarta experiencia do Premio Realia. Algúns erros recorrentes que conviría desterrar14 Agosto, 2023 - 11:46 a.m.
  • Verán de 2023: novelas de Edith Wharton e Delphine de Vigan23 Xuño, 2023 - 11:13 a.m.
  • Dúas grandes novelas de Grazia Deledda2 Xuño, 2023 - 10:17 p.m.
  • Premios nobel con obra traducida ao galego12 Maio, 2023 - 6:34 p.m.

Síguenos no Facebook

Novidades editoriais

  • Luceiro da mañá €14,50
  • Trompeta €16,50
  • As gratitudes €15,00
  • As irmás Bunner €15,00
  • Cartos €16,50

© Copyright – Editorial Hugin e Munin | Aviso Legal – Política de Privacidade – Envíos, devolucións e desistencia

Décimo aniversarioReimpresión de Jude o escuro
Desplazarse hacia arriba