Unha vida violenta

Pier Paolo Pasolini

Pier Paolo Pasolini naceu en Boloña en 1922. Alí cursou estudos universitarios e definiu a súa visión do mundo a partir da influencia de dúas figuras capitais: a de Gramsci e a de Marx. Durante a Segunda Guerra Mundial foi detido polas tropas de ocupación alemás pola súa pertenza ao partido comunista, e en 1943 escapou dun campo de prisioneiros para refuxiarse na campiña de Friuli, até 1950, cando marchou vivir a Roma.

A súa escrita –que desenvolveu en dúas linguas: friulano e italiano– é complexa e provocativa. Cultivou diversos xéneros. En narrativa sobresaen dúas novelas: Ragazzi di vita (1955) e a presente obra, Unha vida violenta (1959). Nelas tratou de situar o popular como vehículo de expresión da realidade. Na súa faceta de cineasta o seu estilo variou dende o neorrealismo, onde se ocupou de presentar personaxes marxinais, até a adaptación de clásicos gregos ou árabes. Cómpre sinalar que ten unha enorme importancia a cuestión da homosexualidade no seu discurso, onde con frecuencia é presentada como oposta ao estilo de vida burgués.

Pasolini foi asasinado en Ostia en 1975, en circunstancias non esclarecidas.